Shëndeti mendor, psikiatrja: Çdo ditë paraqiten 25 persona

Një numër tejet i lartë i personave që kanë pasur nevojë për ndihmë mjekësore janë paraqitur në dyert e mjekëve psikiatër. “Ka një pandemi, të themi, të problemeve të shëndetit mendor, që pas pandemisë dhe tërmetit ishte e pritshme. Në periudhë vere që kur klima është bërë më e nxehtë kemi shtim të numrit të rasteve. Në një ditë pune mund të hasim 20 deri në 25 persona që kërkojnë ndihmë dhe nga këto 10-15 janë vizita të para”, thotë psikiatrja Arjana Rreli.

Asnjë nuk është imun ndaj problemeve të shëndetit mendor, por sipas psikiatres shumica e pacientëve janë mosha aktive. “Fashat moshore janë përgjithësisht moshat aktive 20-45-50 vjeç. Por në këto temperaturat e larta nuk mungojnë as moshat e treta, që duke qenë se kanë problem kronike të shëndetit, kjo ja evidenton më tepër ankthin, depresionin”, shprehet psikiatrja.

Një studim i fundit ka nxjerrë në pah edhe lidhjen mes temperaturës dhe rritjes së problemeve të shëndetit mendor. Për pasojë ekspertët thonë se vera bën të rrisë sëmundshmërinë.