Shifrat e larta nuk ulen/16 viktima dhe 840 raste të reja me Covid-19 në 24 orë

Ministria e Shëndetësisë, bën me dije se në 24 orët e fundit betejën me Covid-19 nuk e kanë fituar 16 pacientë të prekur nga virusi vdekjeprurës. Shifrat e larta prej afro dy mujash nuk janë ulur dhe frika është se muajt në vijim, mund të jenë edhe më të rëndë.

”Me gjithë përpjekjet e mjekëve, në 24 orët e fundit, kanë humbur jetën 16 qytetarë me Sars-Cov2 pozitiv në spitalet Covid: 5 qytetarë nga Tirana, 2 qytetarë nga Vlora, 2 qytetarë nga Pogradeci, 2 qytetar nga Fieri, 2 qytetarë nga Berati, 1 qytetar nga Saranda, 1 qytetar nga Gramshi, 1 qytetar nga Lushnja, të moshave 51-86 vjeç”,- thuhet në njoftimin e Ministrisë së Shëndetësisë.

Në 24 orët e fundit, nga 2374 testime ka rezultuar pozitiv 840 raste të reja. ”345 raste në Tiranë, 75 raste në Shkodër, 52 raste në Fier, 47 raste në Berat, 42 raste në Vlorë, 33 raste në Kavajë, 24 raste në Gjirokastër, 23 raste në Lushnje, 22 raste në Pogradec, 19 raste në Lezhë, 18 raste në Krujë, 17 raste në Korçë, 15 raste në Kolonjë, 14 raste në Mirditë, 11 raste në Kuçovë dhe Skrapar, 10 raste në Mat, 9 taste në Gramsh, 8 raste në Kukës, 7 raste në Sarandë, Malësi e Madhe, Peqin, 6 raste në Tepelenë, 5 raste në Librazhd, 4 raste në Devoll, 3 raste në Durrës, 2 raste në Mallakastër, 1 rast në Bulqizë, Tropojë, Has, Elbasan”,-informon më tej Ministria e Shëndetësisë.

Lajmi i mirë është se në 24 orët e fundit janë shëruar 331 qytetarë, duke e çuar numrin e të shëruarve 21.617 që nga fillimi i epidemisë. Aktualisht në 4 spitalet Covid, po trajtohen 479 pacientë, 35 në terapi intensive, 9 pacientë janë të intubuar.

Ministria e Shëndetësisë dhe Mbrojtjes Sociale, i bën apel qytetarëve të mos e ulin vigjilencën për respektimin e rregullave dhe të shmangin daljet e panevojshme, për të ndihmuar në ndërprerjen e zinxhirit të infeksionit dhe për të ulur numrin e të prekurve nga virusi SARS-COV2.

”MSHMS u drejtohet qytetarëve të mos neglizhojnë kontaktin me mjekun e familjes, për çdo shenjë të sëmundjes. Nëpërmjet linjës së gjelbër falas 0800 40 40 mund të lidheni me mjekun e familjes dhe të merrni informacionin e nevojshëm edhe për rimbursimin e barnave për Covid-19. Urgjenca Kombëtare është 24/7 në shërbim 24/7. Telefononi 127 nëse dyshoni se jeni të prekur nga Covid-19 dhe për çdo urgjencë mjekësore”.

COVID-19-Statistika (06 Dhjetor 2020)

Raste të reja ditore 840
Të shëruar ne 24 orë 331
Të shtruar në spitale 479
Humbje jete në 24 orë 16
Testime ditore 2.374
Testime totale 204.008
Raste pozitive 42.988
Raste të shëruara 21.617
Raste aktive 20.466
Humbje jete 905

Shpërndarja gjeografike e rasteve aktive sipas qarqeve:

Tiranë 10946
Durrës 1356
Elbasan 860
Fier 1562
Korçë 1135
Vlorë 1045
Shkodër 919
Lezhë 739
Berat 720
Kukës 428
Dibër 249
Gjirokastër 507