Shikoni videon. Ja si vjedh çantën me lekë, një grua. E njihni? Denoncojeni!

Një grua në moshë nuk ka pasur frikë, teksa i ka vjedhur çantën një djali në një argjendari në Tiranë.

Zonja vihet re teksa hyn në argjendari e qetë dhe nga veprimet që bën, duket se e kishte piketuar më parë djalin dhe çantën e tij.

Teksa i riu ishte bashkë me partneren dhe po shikonin për të blerë bizhuteri prej floriri, gruaja bën sikur e ka mendjen tek sendet e ekspozuara në vitrinë dhe afrohet tek çanta.

Ajo zgjat dorën dhe i merr me lehtësinë më të madhe djalit, çantën që e kishte lënë mbi banakun prej xhami dhe ishte tërësisht i hutuar duke parë bizhuteritë, bashkë më vajzën që e shoqëronte.

Ata do të blinin unazat e fejesës në një prej argjendarive në Tiranë që ndodhen në zonën e Shallvareve, por kjo zonjë u ka prishur gjithë planin.

Nëse e njihni si fytyrë, çifti kërkon që ta denonconi dhe t’u kthehet çanta, ku ndodheshin edhe paratë e parashikuara për të blerë unazën./JOQ.

Policia ka gjetur emrin e autores se vjedhjes dhe ka shpërndarë këtë njoftim për mediat: “Më datë 06.05.2018, u referuan materialet në Prokurorinë pranë Gjykatës së Shkallës së Parë Tiranë, për shtetasen R.K., vjeçe 44, banuese në Tiranë, pasi dyshohet se në rrugën “Ibrahim Rrugova”, në ambientet e një argjendarie, i ka vjedhur çantën shtetasit B.Ç., vjeç 28, banues në Tiranë. Neni 134 i Kodit Penal”, njofton policia e kryeqytetit”.