Shiu përmbyt zyrat e Teatrit Kombëtar

Rrebeshi që ra sot në kryeqytet ka nxjerrë edhe njëherë në pah gjendjen e mjeruar në të cilën ndodhet godina e Teatrit Kombëtar.

Amortizimi dhe mungesa e rikonstuksioneve ka bërë që i gjithë shiu të futet brenda, duke detyruar punonjësit e këtij institucioni që të largohen nga godina për sot, ndërkohë që e njëjta situatë alarmante shfaqet edhe në pjesën e skenës.

Në videon e dërguar nga punonjësit e këtij institicioni, duket qartësisht çatia e cila është jashtë funksioni, ndërkohë që edhe pjesa e dyshemesë dhe mobiliet janë drejt degradimit të plotë pasi gjithçka është në mëshirën e fatit. Ndërsa për të ndjekur një shfaqje teksa bie shi, as që bëhet fjalë.