Shkarkimi i Presidentit, Balla: Të presë vendimin e Gjykatës. Politikanët duhet të bashkohen në heshtje

Me 104 vota pro, 7 kundër dhe 3 abstenime, Kuvendi njëpartiak voti pro shkarkimit të Presidentit Ilir Meta. Kreu i grupit socialist, Taulant Balla komentoi në dalje nga godina e Parlamentit votimin.

Sipas Ballës, “Kuvendi u shpreh dhe brenda 5 ditësh vendimi i shkon Gjykatës Kushtetuese, e cila duhet të shprehet brenda 3 muajsh, edhe pse Gjykata mund të marrë edhe një muaj tjetër për shkak të gushtit. Vendimi i shkarkimit nga Gjykata ka nevojë për 5 vota pro”.

Po ashtu ai apeloi që ”i shkarkuari të presë vendimin e Gjykatës, kurse politikanët duhet të bashkohen në heshtjen ndaj çdo adresimi ndaj Gjykatës Kushtetuese. Gjykata është organ i pavarur, ajo duhet të flasë dhe ne të heshtim, sepse puna jonë me Metën përfundon sot”.