Shkarkohet drejtori i AKU Tiranë, Fatjon Pasholli

Drejtori i AKU Tiranë, Fatjon Pasholli, është shkarkuar nga detyra, dhe në vend të tij është komanduar Alketa Hoxha, e cila ka pasur postin e drejtores juridike në AKU.

Hoxha, e cila më parë mbante detyrën e drejtores juridike në institucion, është komanduar në krye të AKU-së për kryeqytetin në përpjekje për të rikthyer besimin e qytetarëve tek kontrolli ushqimor.

Ky ndryshim vjen pas disa rasteve të njëpasnjëshme që kanë vënë në pikëpyetje sigurinë ushqimore në vend, përfshirë jo vetëm mishin e pulës të kontaminuar, por edhe produkte të tjera si luleshtrydhet me mbetje të rrezikshme pesticidesh.