Shkatërrohet banda e “miellit të bardhë”, në pranga 9 shqiptarë

Nëntë shqiptarë kanë rënë në prangat e policisë italiane.

Ata ishin pjesë e një bande kriminale, e cila merrej me shpërndarjen e kokainës.

Së bashku me shqiptarët janë arrestuar edhe dy shtetas italianë, të cilët ishin pjesë e kësaj bande.

Fletë-arrestet për shqiptarët, u firmosën nga Prokuroria e Milanos.

Sipas mediave italiane, gjatë hetimeve për këtë bandë ka pasur edhe 5 arrestime në flagrancë më herët, ndërsa janë sekuestruar edhe 40 kg kokainë.