Shkëlzen Berisha: Interpretimi i Kushtetutës, lojë kungulleshkash

Lojë kungulleshkash e cilëson Shkëlzen Berisha, djali i ish-kryeministrit Sali Berisha interpretimin e Kushtetutës në kohën e bllokimit të Gjykatës Kushtetuese.

Ngërçi i krijuar për dekretimin e Sandër Lleshit, si propozim i kryeministrit për Ministër të Brendshëm ka risjellë dhe njëherë në vëmendje mungesën e Gjykatës Kushtetuese për të cilën shefi i qeverisë tha se do të krijohet së shpejti.

E pikërisht ky paralizim ka lënë vend për interpretime në rastin e mosdekretimit të Lleshit nga Presidenti i Republikës për arsyet dhe nëse ka të drejtë të kthejë një propozim të kryeministrit.

“Pas paralizimit të Gjykatës, interpretimi Kushtetutës është bërë lojë kungulleshkash”, shkruan Shkëlzen Berisha në “Facebook”.