Shkëputja e telit të linjës elektrike i vë zjarrin pyllit në Kukës

Regjistrohet një tjetër rast zjarri për këtë vit.Një sipërfaqe prej dy hektarësh pyll dushku në njësinë Malzi të Kukësit raportohet se është përfshirë nga flakët.

Ngjarja ka ndodhur në orët e para të mëngjesit të sotëm.

Shkak i zjarrit dyshohet të ketë qenë shkëputja e telit të linjave elektrike.

Në vendngjarje ndodhen mjete zjarrfikëse, të cilat po punojnë për shuarjen e  flakëve.