Shkon në 14 numri i të ndaluarve në Lazarat
Policia e Shtetit bën me dije se deri më tani, në Lazarat janë arrestuar 14 persona të dyshuar për sulmin e djeshëm.
Ajo u bën thirrje gjithashtu edhe personave të tjerë të dyshuar, që të vetëdorëzohen.
“Policia e Shtetit vijon operacionin për kapjen e personave të shpallur në kërkim, për sulmin me armë të një ditë më parë, ku mbeti i vrarë efektivi i forcave RENEA Ibrahim Basha dhe u plagosën dy efektivë të tjerë.
Gjatë këtyre orëve, janë ndaluar 14 shtetas:
Zhaklin Dërxho
Gurim Skënderi
Albon Meçi
Denis Mahmutaj
Rustem Mahmutaj
Xhuljano Nuri
Fatmir Gërveshi
Sinan Rabaj
Jeton Kalemi
Sevo Shurdhi
Xhuljan Malo
Gerald Bime
Xhemil Gjolleshi
Eligent Basha", citon Policia e Shtetit.
Teksa në orët e para të mëngjesit të sotëm, forcat speciale RENEA dhe FNSH kanë rinisur kontrollet në fshatin Lazarat dhe në banesat e personave të shpallur në kërkim. Ndërkohë grupi hetimor po kqyr vendin ku u sulmuan me armë forcat e Policisë.
Të dhënat paraprake evidentojnë të paktën 10 vatra zjarri, ku u sekuestruan rreth 100 gëzhoja kallashnikovi dhe mitralozi, një granatë dhe një thikë. Policia e Shtetit përsërit edhe njëherë thirrjen drejtuar personave të shpallur në kërkim, të dorëzohen pranë organeve ligjvënëse.
Operacioni do të vijojë deri në kapjen e personit të fundit në kërkim dhe përballjen e tyre me forcën e ligjit”, thuhet në deklaratën e policisë.