Shmanget ngjarja tragjike në Durrës. Policia shpëton 25-vjeçarin që rrezikonte të mbytej

Sot rreth orës 12:30, shërbimet e Patrrullës së Përgjithshme, të cilët kryejnë patrullimin me biçikletë kryesisht në bregdet, në lagjen nr.1, në plazhin e Currilave, kanë dëgjuar një zë i cili kërkonte për ndihmë.

Menjëherë shërbimet e Policisë janë futur në det dhe kanë bërë të mundur nxjerrjen në breg, të shtetasit M.K., 25 vjeç, banues në Lushnje, dhe i kanë dhënë ndihmën e parë.