Shpërthen bolieri i dushit, plagoset vogëlushi

Një ngjarje tronditëse u shënua mëngjesin e sotëm në qytetin e Korçës.

Shpërthimi i bolierit të dushit ka plagosur një vogëlush 8-vjeçar.

Mësohet se i mituri po bënte dush në shtëpinë e tij, në kohën kur ka shpërthyer bolieri.

Menjëherë familjarët i kanë ardhur në ndihmë 8-vjeçarit, por ai është dëmtuar rëndë dhe është dërguar me shpejtësi për në Spitalin e Korçës ku po merr edhe ndihmën mjekësore.

Në vendin e ngjarjes ka mbërritur edhe policia, e cila ka nisur hetimet për zbardhjen e rrethanave të ngjarjes.

Dëme të konsiderueshme materiale ka pësuar edhe banesa ku ndodhi ngjarja.