Shpërthen bombola në banesë, plagosen nënë e bir në Fier

Nënë e bir mbetën të lënduar sot në Fier nga shpërthimi i një bombole gazi.

Ngjarja ka ndodhur rreth orës 17:30, në banesën e shtetasit M. Z në fshatin Libofshë, ku dyshohet se ka shpërthyer një bombël gazi dhe si pasojë kanë pësuar dëmtime të lehta shtetasi M. Z dhe nëna e tij.

Zjarri është fikur plotësisht dhe në banesë ka dëme të vogla materiale.

Po kryen veprimet hetimore për zbardhjen e plotë të ngjarjes.