Shpërtheu sapo shkeli pultin e hapjes, kush është pronari i makinës në Kamzë

Një shpërthim është raportuar ditën e sotme në Kamzë. Rrethanat e shpërthimit të automjetit janë ende të paqarta, ndërsa nga të dhënat e para dyshohet se bëhet fjalë për eksploziv.

Policia bën me dije se në momentin që drejtuesi i automjetit ka shtypur pultin për të hapur derën, automjeti ka shpërthyer.

Ndërkohë si pasojë e shpërthimin pronari është ënduar lehtë në këmbë, por jashtë rrezikut për jetën .

Burime bëjnë me dije se pronari i makinës është Gjon Mena, një person me precedentë të mëparshëm penalë.

Mena rezulton i dënuar për armëmbajtje pa leje në Shqipëri, ndërsa dyshohet se ka marrë pjesë në vjedhje me armë në shtete si Franca dhe Italia.