Shpërthim në Shkodër, eksploziv te dera e banesës së 58-vjeçarit

Një shpërthim me eksploziv ka tronditur qytetin verior mëngjesin e sotëm.

Rreth orës 04:00 në lagjen ‘Skenderbeg’, Shkodër në pallatin 2-katesh, tek dera e jashtme e banesës së 58-vjeçarit me inicialet Rr. P. ka shpërthyer një sasi eksplozivi.

Nga shpërthimi nuk ka pasur të lënduar në njerëz, por dëme materiale.

Eksplozivi ka dëmtuar lehtë derën e jashtme dhe tavanin e korridorit të banesës tij së të moshuarit.

Pas njoftimit ka mbërritur policia duke nisur hetimet për zbardhjen e ngjarjes dhe arrestimin e autorëve.

Ndërkohë që është marrë në pyetje edhe pronari i banesës që iu vendos eksplozivi për dyshimet dhe konfliktet që mund të ketë pasur.

Njoftimi i Policisë:

Policia e Shkodrës njoftoi se një shpërthim bombe ka  ndodhur në derën e një apartamenti në Shkodër, por fatmirësisht pa viktima. Ngjarja ka ndodhur në lagjen “Skënderbeg”..

“Ka ardhur një telefonatë ne sallen e komandimit, – njoftoi Policia, – se në lagjen Skenderbeg, Shkodër, në pallatin dykatesh, tek dera e jashtme e baneses shtetasit Rr. P, 58 vjeç, ka patur një shperthim i dyshuar lende plasese, për pasoje është dëmtuar lehte dera e jashtme dhe tavani i koridorit të baneses tij. Po kryhen veprimet me grup hetimor, per sqarimin e rrethanave te ngjarjes.”