Shpërthimi në Vlorë, mësohet emri i pronarit të makinës

Një makinë ka shpërthyer mëngjesin e sotëm në lagjen ’24 Maji’ në qytetin e Vlorës. Makina me targa AA720 FD ndodhej e parkuar në momentin kur ndodhi shpërthim.

Fatmirësisht nga shpërthimi nuk ka pasur të lënduar, ndërsa ‘Panorama’ mëson se pronari i mjetit është shtetasi Agim Islamaj, i cili është marrë pyetje menjëherë pas ngjarjes.

Policia po punon për zbardhjen e plotë të ngjarjes ndërsa nuk dihen ende arsyet e kësaj ngjarjeje.