Shpëtohen 23 turistë të huaj, mbetën të bllokuar në ”Kanionin e Lengericës”

Policia e Përmetit ka shpëtuar 23 turistë, të cilët kërkuan ndihmë pasi mbetën të bllokuar në zonën e quajtur “Kanioni i Langaricës”.

Pas disa orësh kërkime shërbimet e Policisë kanë gjetur 23 turistët gjermanë, polakë, e francezë në vendin ku kishin mbetur të bllokuar për shkak të rritjes së nivelit të ujit në lumin e Langaricës, nga rreshjet e shiut.

Turistët janë shoqëruar për në Përmet dhe iu është ofruar ndihma e nevojshme mjekësore. Aktualisht ndodhen në gjendje të mirë shëndetësore.