Shpëtohet 10 vjeçari tek Gjiri i Lalzit

Një 10 vjeçar aktualisht ndodhet jashtë rrezikut për jetën, ndërsa rrezikoi të mbytej në Gjirin e Lalzit. Djali me inicialet K.B., nga Berati dhe me banim në Tiranë, ndodhet në spitalin e Durrësit jashtë rrezikut për jetën. 
Burime policore bëjnë të ditur se djali ishte futur në det për t’u larë dhe në një moment ai është gjendur në rrezik për t’u mbytur. Forca policore dhe një ambulancë kanë bërë dërgimin e fëmijës në spitalin e Durrësit, ku tashmë ndodhet nën kujdesin e mjekëve.