Shqipëria ka vetëm 7 sizmiologë

Ish-drejtor i Institutit të Sizmologjisë, Shyqyri Aliaj i ftuar në emisionin “Arena” në RTV Ora po komenton situatën e rëndë ku ndodhet vendi, për shkak të tërmetit të fortë që tronditi Shqipërinë mëngjesin e kësaj të marte.

Aliaj u shpreh se dikur kanë lënë një rrjet shembull sizmiologjik, por që prej atëherë nga ai, kanë mbetur vetëm 2 rrjete që punojnë për shkak të mungesës së investimeve.

Aliaj: Në të vërtetë, zhvillimi pas 90-tës u bë i pakomanduar, pra zhvillim vullnetar, secili ndërtonte, bënte çfarë donte. Po të vije ti unë nxirrja pushkën. Ky zhvillim lejoi këtë anomali i cili arriti deri në institucionet shkencore.

Instituti Sizmiologjisë u mbyll në 1 janar 2008. Kishte 40 punonjës e katër departamente, u katandis në 7 punonjës.

Kemi lënë një rrjet modern sizmiologjik i pari në Ballkan ku regjistroheshin tërmete kudo në Shqipëri, nga jugu në veri. Nga ai rrjet tani kanë mbetur vetëm dy stacione sepse nuk ka investime.