Kryeministri Rama nga Turqia: Përpjekje e ulët për të manipuluar! Ky nuk është populli!

Nga Turqia ku ndodhet kryeministri Rama ka postuar status në Twitter. Ai shkruan:“Për kë e njeh dorën e nongratave të shpallur e të pashpallur, këto protesta janë një përpjekje e ulët e të njëjtave hije të së shkuarës për të manipuluar njerëzit duke hedhur gurin e fshehur dorën! Ky nuk është populli, por e njëjta pakicë e zhurmshme në kërkim të rrëmujës!”, shkruan Rama.

Pra Edi Rama nuk pranon se janë qytetarë të thjeshtë e të revoltuar, por vendos gishtin mbi ish-kryeministrin Berisha dhe dikë tjetër që pritet sipas të shpallet nongrata.

Ndërkohë nesër është lajmëruar një protestë e madhe kombëtare në sheshin Skenderbej në ora 11.00, si fillim e më pas drejt kryeministrisë.

Per ke e njeh doren e nongratave te shpallur e të pashpallur, keto protesta jane nje perpjekje e ulet e te te njejtave hije te se shkuares, per te manipuluar njerezit duke hedhur gurin e fshehur doren! Ky nuk eshte populli, po e njejta pakice e zhurmshme ne kerkim te rremujes!

— Edi Rama (@ediramaal) March 11, 2022