Shqiptarët e olimpiadave, jo vetëm Majlinda Kelmendi

”E Arta”, Majlinda Kelmendi është sportistja që bëri krenare shqiptarët anembarë, me fitoren të dielën mbërma. Ajo i solli shtetit të Kosovës, medaljen e parë olimpike.

Por, ajo nuk është sportistja e vetme shqiptare që ka fituar medalje olimpike, sepse para saj kanë qenë dhe të tjerë sportisë, që po ashtu kanë shkëlqyer dhe kanë dhënë një kontribut në sportin Shqiptar, duke edhe u shpërblyer me medalje.

Më parë këtë e kanë bërë; Shaban Tërstena (Mundje), Aziz Salihu (Boks) dhe Shaban Sejdiu (mundje).

Ka qenë i biri i legjendës së boksit Aziz Salihut, Mentori, i cili me një postim në rrjetin social Facebook, të një fotografie ku ka përfshirë katër medalistët shqiptarë.

“Shqiptarët e olimpiadave. Shaban Trstena, Aziz Salihu, Shaban Sejdiu dhe Majlinda Kelmendi”, ishte shkrimi në foton e më poshtme të postuar nga Mentor Salihu.