Shqiptari 26-vjeç qëllohet për vdekje në Athinë, dyshimet e para

Vdes pas plagëve të marra pas përleshjes në rrugët e Athinës një shqiptar 26-vjeçar. Ngjarja e rëndë sipas mediave greke ka ndodhur në orët e para të mëngjesit të sotëm në Peristeri, ku shqiptari ende i paidentifikuar u qëllua, dyshohet me thikë.

Policia e ka gjetur atë mes pellgut të gjakut, ndërkohë që ndihma e parë nuk ka bërë asnjë dobi për shqiptarin, i cili gjeti vdekjen në spital nga plagët e marra.

Policia është duke hetuar për shkaqet e ngjarjes dhe rënien në gjurmë të autorëve. Ndërkohë ka nisur hetimi i të shkuarës së shqiptarit, pasi nuk përjashtohet që të ketë qenë një larje hesapesh.