Shqiptarja turpërohet keq në Itali, merr në qafë edhe djalin 18-vjeç

Turpërohet keq një grua shqiptare në Itali. Mediat italiane bëjnë me dije se një grua shqiptare 41 vjeçare është arrestuar për vjedhje në një qendër tregtare, ndërkohë që djali i saj 18 vjeçar është shoqëruar, pasi ndihmoi të ëmën të realizonte vjedhjen.

Ngjarja ka ndodhur në mbremje teksa shqiptarja kishte mbushur çantën me disa veshje të H&M, por i pikas në kohën që do dilte pasi u ndez alarmi.

I biri i saj nisi të ulërijë, në mënyrë që të bënte kaos brenda qendrës për të tërhequr vëmendjen, ndërkohë që e ëma të përfitonte dhe të ikte me vrap.

Por gjithçka ka qënë e kotë, pasi policia ka ndërhyrë menjehëre dhe e ka kapur gruan pasi kishte dalë në rruge.

Gruaja doli para gjykates ku iu provua fajësia. Pronari i dyqanit dëshmoi se ajo kishte marrë në çantë vjedhje me vlerë 360 euro.