Shtyhet seanca në Apelin e Posaçëm për Fredi Belerin

Seanca në Apelin e Posaçëm për kryebashkiakun e zgjedhur të Himarës, Fredi Beleri është shtyre. Shkak mësohet se është bërë mungesa e avokatit mbrojtës.

Ndërkohë seanca e radhës është caktuar në për 14 qershor në orën 10:00 Fredi Beleri kërkon pafajësi për dënimin me dy vite burg për blerje votash.

Kryetari i zgjedhur i bashkisë Himarë ka pretenduar që nga fillimi i procesit e deri më sot se kjo çështje është politike.

Beleri u arrestua me urdhër të Prokurorisë së Vlorës në orët e para të mëngjesit të 12 majit 2023, vetëm dy ditë përpara zgjedhjeve lokale me akuzën se përmes bashkëpunëtorit, Pandeli Kokaveshi, ofroi 40 mijë lekë për tetë vota.