Si kurrë më parë, Pashkët “festohen” përmes virtualitetit, i gjejnë besimtarët të izoluar

Pashka (ose pashkët) është kremtimi më i madh i kalendarit liturgjik të Kishës Katolike dhe të kishave të tjera të krishtera që kremtojnë Ringjalljen e Jezusit të Nazaretit ndodhur, sipas Besëlidhjes së Re, tre ditë pas vdekjes së tij në kryq.

Festa e Pashkëve të krishtera është e lëvizshme, vendoset çdo vit të dielën pasuese, të parën hënë të plotë pas ekuinoksit të pranverës 21 mars.

Data e Pashkëve është përfshirë mes 22 marsit dhe 25 prilli.

Pas orës 00.00 të gjithë besimtarët e krishterë kremtojnë Pashkët, simbolin e ringjalljes së Jezu Krishtit, i cili u kryqëzua për mëkatet e njerëzimit.

Festimet e kësaj dite nisin me meshën e madhe të së shtunës mbrëma dhe me drekën tradicionale të së dielës.

Urimet për më shumë begati dhe dritë në zemrat e besimtarëve nuk mund t’i mungojnë kësaj feste.

“Krishti u ngjall, vërtet u ngjall”, është refreni i kësaj dite festive i cili shprehet njëzëri nga të gjithë besimtarët duke trokitur vezën e kuqe të Pashkëve që simbolizon gjakun e Krishtit.

Por e veçanta e kësaj Pashke është se ndoshta për herë të parë qysh nga nisja e festimeve të kësaj dite, ato po festohen në izolim për shkak të pandemisë së Covid-19, në Shqipëri dhe në gjithë botën.

Besimtarët i ka gjetur ky vit në shtëpitë e tyre pa mundur të bëjnë kremtimet e nevojshme si çdo vit tjetër, por duke ndarë urime përmes virtualitetit.

Edhe Papa i është drejtuar besimtarëve në të gjithë botën si kurrë më parë, nga një shesh bosh në Vatikan.