Si transportonin 206 kg drogë grekët e shqiptari, kapen në Igumenicë
Aktualitet E Shtunë, 8 Maj 2021 19:48
Dy grekë dhe një shqiptar kanë përfunduar sot në pranga, pasi kanë tentuar të fusin nga Shqipëria në Greqi plot 206-të kg marijuanë.
Policia greke ka arritur të ndalojë në Filat të Igumenicës dy makina që transportonin drogën dhe tjetrën që kontrollonte rrugën
Burime të BalkanWeb bëjnë me dije se droga ishte e ndarë në 63 pako me 205 kg e 930 gram marijuanë, ndërsa në pranga deri tani kanë rënë dy shtetas grekë 23 dhe 27 vjec dhe një shqiptar 23 vjeç, i identifikuar si Ilia Majkaj.
Të njëjtat burime saktësojnë se operacioni është në vazhdim e sipër, ndërsa të tjera detaje pritet të zbulohen në vijim.
/BW
KOHA JONË SONDAZH
