Situata nga moti i keq – Akset rrugore ku duhet të përdorni zinxhirët

Akset e Qarkut të Tiranës qarkullohen pa zinxhirë.  Segmenti Tiranë – Qafë Priskë, qarkullimi është pa zinxhirë. Segmenti Qafë Priskë – Qafë Mollë, i kalueshëm pa zinxhirë.

Me zinxhirë qarkullohet vetëm në segmentin e fundit të këtij aksi Qafë Mollë – Bizë. Me zinxhirë qarkullohet edhe në segmentin Vilat Qeveritare – Antena Dajt.

Tek Mbikalimi i Kasharit– Rinas, situata është normalizuar. Qarkullimi kryhet normalisht. Aksi Tiranë – Tuneli Elbasan, qarkullimi pa zinxhirë. Është hedhur kripë.

Superstrada Tiranë – Durrës, qarkullohet normalisht. Aksi Tiranë – Ndroq – Durrës,  aksi i vjetër, qarkullohet me zinxhirë. Në segmentin e  Qafë Krrabës,  kalohet me zinxhirë.

Durres-Në Qafë Shtamë dhe në Sarisalltik qarkullimi bëhet me zinxhirë. Po punohet me hedhje kripe, për shkak të ngricave.

Elbasan-Në aksin Elbasan – Qafë Thanë, është bërë pastrimi i aksit dhe është hedhur kripë, 5 tonë kripë, për shkak të ngricave. Qarkullimi kryhet pa zinxhirë.

Në segmentin rrugor Elbasan – Tuneli, ka rënë 5 – 10 cm borë. gjatë natës. Është bërë pastrimi dhe kriposja. Qarkullimi bëhet pa zinxhirë.

Në Elbasan – Gjinar, ka rënë 10 – 15 cm borë . Qarkullimi bëhet me zinxhirë. Po punohet për pastrimin dhe hedhjen e kripës.

Në aksin Librazhd – Steblevë,  segmenti  Lunik –  Steblevë  qarkullimi kryhet  pjesërisht me zinxhirë për shkak të ngricave.

Në segmentin Gramsh – Molla Grabovë, ka rënë 10 cm borë. Qarkullimi bëhet me zinxhirë. Po punohet për pastrimin dhe hedhjen e kripës.  Në segmentin Elbasan – Pajovë,  qarkullohet pa zinxhirë .

Berat-Aksi Berat – Gllave – Antena, rekomandohen zinxhiret.  Nuk ka probleme për qarkullimin.Në aksin Berat – Çorovodë, po punohet për hedhjen e kripës nga kontraktori.

Vlore-Në aksin Vlore– Palasë qarkullohet pa zinxhirë.

Në aksin Palasë – Sarandë,  vazhdon puna për  pastrimin  dhe  kriposjen  e aksit. Qarkullimi është pa zinxhirë.

Aksi Qafa e Dushkut – Kuç,  qarkullohet pa zinxhirë. Mjetet janë  duke bërë pastrimin e aksit dhe hedhjen e kripës dhe skorjeve.

Aksi Vlorë – Levan, Autostrada dhe aksi i vjetër, qarkullohen pa zinxhirë.

Aksi Peshkëpi – Poçem qarkullohet pa zinxhirë.

Aksi Vlorë – Selenicë qarkullohet pa zinxhirë.

Aksi Qafë Dushku – Sevaster i kalueshëm pa  zinxhirë.

Në të gjitha akset e Qarkut është punuar nga kontraktorët për pastrimin e akseve dhe hedhjen e kripës.

Gjirokastër- Në aksin Jorgucat – Muzinë – Sarandë  qarkullimi është pa zinxhirë.

Akset  Gjirokastër – Kakavijë dhe Tepelenë – Gjirokastër qarkullohen pa zinxhirë. Po vazhdon puna në këto akse për pastrimin dhe hedhjen e kripës.

Në aksin Valare – Erind – Çajup, segmenti Valare – Çajup kalohet me zinxhirë. Segmenti Erind – Çajup  me zinxhire.

Aksi  Ura e Leklit – Këlcyrë – Përmet – Çarshovë – 3 Urat, qarkullohet me zinxhirë.  Segmenti  Ura e Leklit – Këlcyrë  qarkullohet normalisht. Pjesa tjetër e aksit qarkullohet me zinxhirë.

Aksi Përmet – Çarshovë, vazhdon të jetë me probleme nga rreshjet e ditës së djeshme. Aktualisht është hapur rreth 20 km nga Përmeti në drejtim të Çarshovës,  mbeten për t’u hapur dhe 10 km rrugë, e cila po hapet sot.

Korçë- Në këtë qark, qarkullohen me zinxhirë vetëm akset:  Ersekë – Leksovik,  Korçë – Voskopojë, K/Boboshticë – Dardhë, Kontraktorët janë duke bërë pastrimin e akseve dhe hedhjen e kripës. Të gjithë kontraktorët janë në gadishmëri me mjetet borëpastruese dhe fuqi punëtore.

Fier-Fier – Ballsh – Fratar, ka segmente ku ka prezencë ngricash. Situata e qarkullimit është normale në të gjitha akset e këtij qarku. Nuk ka probleme për qarkullimin.

Lezhë -Në aksin Milot – Tuneli i Thirrës, janë marrë masat për pastrimin dhe hedhjen e kripës. Qarkullimi kryhet pa zinxhirë, por me kujdes, në segmentin Reps – Tuneli Thirrë, në të gjitha korsitë. Vazhdon puna pa ndërprerje me  borëpastruese dhe fuqi punëtore. Situata e qarkullimit është normale në të gjitha akset tjera të këtij qarku. Nuk ka probleme për qarkullimin.

Kukës-Në aksin Bajram Curri – Valbonë,  mjetet borëpastruese janë në punë. Aksi është i hapur dhe i pastruar. Ka prani të erërave të forta. Qarkullimi kryhet pa zinxhire.

Në aksin Ura e Bujanit – Qafë Morinë, Sopot – Kërn – Tropojë, mjetet borëpastruese janë në punë duke pastruar aksin. Aksi është i hapur. Është hedhur kripë. Ka prani të erërave të forta. Qarkullimi kryhet pa  zinxhirë.

Në aksin Bajram Curri – Kam, mjetet borëpastruese janë në punë. Aksi është i hapur. Kemi prani të erës së fortë.  Qarkullimi rekomandohet me zinxhirë.

Në aksin Tuneli Kalimashit – Dogana Morinë, qarkullohet pa zinxhirë.  Firma kontraktore ka bërë pastrimin dhe spërkatjen e aksit  me kripë. Puna vazhdon pa ndërprerje për pastrim dhe kriposje me 8 borëpastruese dhe 35 punëtorë.

Në aksin Kukës – Bushtricë, K/Domaj – Reç, mjetet borëpastruese janë në punë. Aksi është i hapur. Qarkullimi rekomandohet  të kryhet me zinxhirë.

Aksi Kukës – Ura e Zapodit dhe  ka rreth 40 – 50  cm borë. Është bërë pastrimi i aksit dhe kriposja. Qarkullimi pjesërisht me zinxhirë.

Edhe aksi Krumë – Qafë Prush, Plepa – Kam  ka rreth 60-70 cm borë (në Qafë Prush). Qarkullimi kryhet me zinxhirë. Vazhdon puna për pastrimin e aksit dhe hedhjen e kripës për shkak të ngricave.

Në aksin Shote Galica – Qendër Kukës – Krumë, mjetet borepastruese janë në gadishmëri. Nëpër kthesa të ekspozuara era e fortë ka mbledhur rreth  2 m borë.  Është hedhur kripë për të eleminuar ngricat.  Aksi është i hapur . Qarkullimi rekomandohet me zinxhirë.

Të gjithë kontraktorët janë në gadishmëri me mjete dhe fuqi punëtore.

Dibër-Në aksin Kuben – Vasie, , qarkullimi kryhet me zinxhirë.

Në aksin Peshkopi – Qafë Drajë, mjetet borepastruese janë në punë. Aksi është i hapur, qarkullimi bëhet me zinxhirë.

Në aksin Skuraj – Qafë Bualli qarkullimi kryhet pa zinxhirë.

Në aksin Qafë Bualli – Peshkopi – Maqellarë – Bllatë ka rreth 30 cm borë. Qarkullimi kryhet me zinxhirë.

Në  aksin Ura – Komsi – Ulëz – Ura e Matit arrin deri në 20 cm.  Mjetet borëpastruese janë në punë. Aksi është I hapur. Qarkullimi kryhet pa  zinxhirë.

Në aksin Ura e Qytezës – Zerqan, Ura e Cerenecit – Steblevë, qarkullimi bëhet me zinxhirë.

Në aksin Qafë Bualli – Krastë, qarkullimi bëhet me zinxhirë. Është hedhur kripë për shkak të ngricave.

Shkodër- Në aksin K/Hadroj – Qafë Benë – Rrëshen ka  30cm borë.   Mjetet borëpastruese janë në punë. Aksi është i hapur. Qarkullimi rekomandohet  me zinxhirë. Nuk ka probleme ne qarkullim në aksin Hani i Hotit – Tamarë. Është hedhur kripë nga firma kontraktore.  Mjetet janë në gadishmëri dhe po punojnë pa ndërprerje. Qarkullimi kryhet pa  zinxhirë. Ka prani të erërave të forta.

Aksi Qafë Laç – Koman është i hapur dhe qarkullohet pjesërisht me zinxhirë për shkak të ngricave, sidomos në Karmë. Po hidhet kripë nga kontraktori.

Në aksin Fushë Arrëz – Nyja Fushë Dukagjin,  mjetet borëpastruese janë duke bërë pastrimin e aksit. Aksi është i hapur. Qarkullimi kryhet me zinxhirë.

Në aksin Qafë Mali – Fierzë, mjetet borëpastruese janë duke bërë pastrimin e aksit. Aksi është i hapur. Qarkullimi kryhet  me zinxhirë. Ka prani erërash të forta dhe aktualisht po bie borë.

Në aksin Koplik –  Dedaj – Bogë,  rruga po pastrohet nga kontraktori. Kalimi në Koplik – Dedaj – Vrith kryhet pa zinxhirë. Në segmentet Dedaj – Razëm dhe Dedaj – Bogë me zinxhirë pjesërisht. Po vazhdon hedhja e kripës.

Në aksin Laç – Vau i Dejës – Fushë Arrëz, mjetet borëpastruese janë në punë. Segmentet  Q.Qele-Gomsiqe 20 cm borë, segmenti Gomsiqe-Pukë 40 cm borë, segmenti Pukë –Fushë  Arrëz  50 cm borë. Aksi është i hapur. Qarkullimi rekomandohet  me zinxhirë  në segmentin Q.Qelë – Pukë- F,Arrëz, për shkak të temperaturave të ulëta dhe ngricave në rrugë.