Situatë shqetësuese në Fier, 4 vatrat me koronavirus janë të pavarur nga njëra-tjetra

Ditën e sotme Ministria e shëndetësisë njoftoi një rritje të menjëhershme të të prekurve nga koronavirusi në Shqipëri duke e çuar numrin në 33.

Harta vatrave të të prekurve sa vjen e zgjerohet duke përfshirë edhe rrethin e Fierit me 4 të infektuar.

Një 66 vjeçar nga Patosi i Fierit mësohet se ka qenë në të njëjtin avion me 73 vjeçaren në Durrës e cila humbi jetën 2 ditë më parë.

Siç raporton gazetarja e ABC News Valbona Davidhi 66 vjeçari është paraqitur në institucionin e Drejtorisë së Shëndetit Publik në mjediset e laboratorëve ku i kanë thënë se duhet të telefonojë në Urgjencën kombëtare 127, pasi ata duhet të merreshin me rastin.

Mendohet se 3 raste të tjera në Fier dyshohet se vijnë nga zonat rurale, dhe nuk janë të lidhur me njëra tjetrën, që me sa kuptohet kemi të bëjmë me 4 vatra.

Shumë qytete janë në “shtet-rrethim” dhe është ndaluar dhe lëvizja e makinave private.

E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.