Sizmilogu qetëson qytetarët: S’ka më tërmet si ai i shtatorit dhe i nëntorit

Tërmet si ai i shtatorit dhe i nëntorit në vendin tonë nuk do të ketë për një kohë shumë të gjatë. Sizmilogu Shyqyri Aliaj i ftuar në studion e emisionit “Arena” tha se tërmeti i magnitudës 4.9 ishte jo i rregullt, por me një energji që vjen drejt shuarjes.

Shyqyri Aliaj: Ky tërmet nuk ka sjellë asnjë shqetësim. Ky ishte tërmet i serisë jo të rregullt, por drejt shuarjes së energjisë. Duhet hequr nga mendja. Tmerri është që do bjerë ai tërmeti i shtatorit apo 26 nëntorit. Por nuk ka për të ndodhur kurrë. Tërmet të tillë ka parë Durrësi në dhjetor 1926. Nga 26 deri tani i thonë 93 vjet, Pra që të grumbullohej ajo energji duhej kaq vjet.