”S’kam makinë të blinduar”, biseda mes Safet Bajrit dhe policisë

Detaje janë zbardhur nga arrestimi i Safet Bajrit. Ndërkohë gjatë bisedës më policinë, Safet Bajri i tha uniformave blu se nuk kishte makinë të blinduar.

Policia i tha se do shkonin në komisariatin e Shkodrës për të marrë ADN-në. Ai u paraqit bashkë me avokatin Sokol Tahiraj, por teksa priste RENEA zbarkoi aty dhe e shtriu përtokë duke i vënë prangat. Në policinë e Tiranës atij iu komunikua edhe masa e sigurisë ”arrest me burg” për vrasjen e Fatbardh Licit, ngjarja e ndodhur në 2018.

Sipas njoftimi të SPAK, Safet Bajri bashkë me Behar Bajrin dhe Astmer Bilalin organizuan dhe vranë Fatbardh Licin, për të marrë hak për vrasjen e ish-policit Boran Bërçana. Ky i fundit Bërçana dyshohej se kishte lidhje me grupin Bajri dhe sipas SPAK Behar Bajri i atribuon vrasjen e Boran Berçanës, Ibrahim Licit, dhe për këtë ka vrarë për hakmarrje Fatbardh Licin.