Skandali me 110 mijë legalizimet, Rushaj: Rama po mashtron shqiptarët, po i kërcënon për vota

Aktualitet E Enjte, 22 Prill 2021 14:51

Drejtuesi i Fushatës së Partisë Demokratike Alfred Rushaj ka qenë sot në familjen e Preng Gjonit, ku ka biseduar me të pas shqetësimit që qytetari i Tiranës ka për legalizimin e shtëpisë së tij.

“Do merrni atë që ju takon me ligj!”, i garantoi Rushaj qytetarit.

“Kjo është prona ime. Kemi 20 vjet në kurbet dhe të vish këtu dhe të mos kesh pronë, na shkoi mundi i 20 vjetëve të kurbetit, mos ta kesh hipotekën?! Asgjë nuk pengon shtëpia ime! Dykalimëshe e ke rrugën andej matanë! 20 vjet në kurbet dhe mos ta kesh pronën unë e quaj pak si krim!”, i tha qytetari Rushajt, duke i treguar se toka është e tij.

Kandidati për Deputet në Tiranë e pyeti se ç farë përgjigjesh ka marrë nga institucionet. “Janë të mbyllura. Kam qenë dy herë te Stacioni i Trenit, duhet një i shtëpisë, harta e vjetër, krejt të regjistruara i kam patur unë!”, tha qytetari.

“Legalizimet, ju i dëgjuat vetë çfarë thanë. S’kanë ndërmend t’i legalizojnë shtëpitë po thjesht thonë mbajini varur t’i bëjmë njerëzit që të na i kenë nevojën se duke i mbajtur varur edhe i kërcënojmë për votën, ma jepni votën që të bëjmë legalizimin! Kështu është historia e tyre!
E patë vetë që doli kryeministri, pra kryeministri i kishte dhënë porosi një drejtori shumë të lartë që “mbajini varur, 100 mijë shtëpi do t’i shembim në gjithë Shqipërinë dhe 40 mijë shtëpi”, tha, “do t’i shembim këtu! Do t’i shembim po ngaqë kemi frikë se mos nuk na japin votën do t’u themi “ç’ke ti, se do jua bëjmë këtë punë”, mbajini varur se do ua bëjmë pas zgjedhjeve”.
20 vjet ke jetuar këtu, ke futur ç farë ke patur kursime edhe prapë të mos jesh i sigurt, pse? Se ai do t’i mbajë njerëzit varur.”, tha Rushaj, duke vazhduar më tej:
“Nuk ka gjë më të keqe se të bësh politikë me jetën e tjetrit se shtëpia është jeta e tjetrit, aq më keq që këtu s’paska as projekt asgjë!
As unë nuk dua të bëj politikë, as të them që po të na votosh ne do ta legalizojmë shtëpinë sepse dukem njësoj si ai po e sigurt është që me ne këto gjëra nuk do ndodhin! Pra me ne, nëse do bëhet një projekt këtu, do vimë të themi “Zotëri do bëhet një projekt në interes publik do duhet ta shpronësojmë, sa të ka bërë shtëpia të japim lekët, në të kundërt do themi të takon sipas ligjit, ja ku është gjëja! Jo vetëm për ty, po të gjithëve!”, i garantoi Rushaj qytetarit, duke shtuar se “Kjo është diçka që e thotë ligji, e thotë Kushtetuta se ti ta mbash tjetrin varur që të të votojë është kriminale!”

ETIKETA Alfred Rushaj

SHKARKO APP

iPhone

Android

Më shumë lajme të fundit