“S’mendova se do humbja kontrollin, e doja”, rrëfehet shqiptari që vrau gruan rumune

“Pavarësisht gjithçkaje unë e dashuroja shumë. Kemi pasur grindje edhe herë tjetër, nuk mendova se mund ta humbja kontrollin deri në atë pikë në atë moment”. Kështu deklaroi Kujtim Hasanaj, 49-vjeçar shqiptar që akuzohet se vrau bashkëshorten e saj Elena Seprodi. Krimi i rëndë ndodhi në Itali ditën e premte.

Fill pas krimit të rëndë, shqiptari u arrestua në shtëpinë e tij, ndërkohë që para pak muajsh ishte ndarë me gruan. ‘Ansa’ shkruan se shqiptari aktualisht ndodhet në burgun e Vercellit për atë që avokati i tij, Angelica Gabriele, e ka quajtur “krim pasioni”.

Avokati i tij mbrojtës e ka përshkruar gjendjen e shqiptarit “shumë të tronditur” dhe se ende nuk i besohet se si ai përfundoi duke vrare gruan. Sakaq, nga hetime e deritanishme thuhet se burri e kishte vrarë gruan e tij pasi kishte zbuluar se ajo kishte nisur një marrëdhënie të re pas ndarjes së tyre.

/BW