Berisha para dyerve të SPAK: Opozita do fitojë kundër kësaj klike kriminale!

Ish-kryeministri Sali Berisha u paraqit sot në SPAK. Në orën 9.50 doli nga shtëpia e tij drejt SPAK-ut dhe në ora 10.03 ai hyri në dyert e prokurorisë së posaçme.

Te oborri i SPAK, Berisha deklaroi se “Opozita do fitojë kundër kësaj klike kriminale!”.

Ndërkohë dhjetra demokratë e deputetë të opozitës janë te rruga kur u fut Berisha te dera kryesore e SPAK.

Kjo është hera e parë që ish-kryeministri Berisha shkon në SPAK. Ndërsa është rasti i dytë që një lider opozite shqiptare dërgohet me pranga në dorë. I pari ka qenë Fatos Nano, lider i PS dhe ish-kryeministër në korrik 1993 dhe tani në janar 2024 ish-kryeministri Berisha.

Ndryshimi mes dy rastëve mbetet se Nano ishte me arrest me burg, kurse Berisha në arrest shtëpie!

Dy janë prokurorët që po hetojnë Berishën dhe dhendërrin e tij, Arben Kraja dhe Enkeleda Milloani.

Me sa duket sot do të jetë ditë e gjatë për Berishën.