Sot në Shkodër, gjyqi për 11 protestuesit e Rrugës së Kombit

Sot në Shkodër tek Gjykata e Apelit do të zhvillohet gjyqi ndaj 11 protetsuesve kuksiane, që u arrestuan për revoltën në Rrugën e Kombit.

Gjyqi do të nisë në orën 11:00. Avokatët e të arrestuarve kanë kërkuar ndryshimin e masës së sigurisë “arrest me burg” për protestuesit dhe kanë argumentuar me një sërë provash që arrestimet ishin bërë në mënyrë të paligjshme.

Opozita shqiptare e ka konsideruar arrestimin e tyre, krim shtetëror dhe ka kërkuar lirimin e protetsuesve deri edhe tek shefja e diplomacisë europiane, Federica Mogherini, që ishte në Tiranë dy ditë më parë.

11 të arrestuarit akuzohen për kundërshtim të forcave të policisë dhe shkatërrim të pronës publike.