Spaho publikon sms-të: Na gjen dot ca njerëz për Bashën? S’ka rëndësi a janë të PD
Aktualitet E Premte, 17 Dhjetor 2021 18:01
Nesër është procesi i Referendumit që do ta ndajë Sali Berisha kundër Lulzim Bashës, kurse ky i fundit do të mbajë Kuvendin kundër ish-kryeministrit.
Deputeti i PD-së Edmond Spaho, ka publikuar disa mesazhe ku një person i kërkon një personi tjetër që mesa duket është pjesë e PD, që të mbledhin sa më shumë njerëz për Kuvendin e datës 18 dhjetor.
Spaho krahas fotos ku shihen mesazhet mes dy personave, shkruan se Basha dhe Gazment Bardhi po manipulojnë njerëzit për të marrë pjesë në atë që deputeti e konsideron anti-kuvend.
“Ja si po manipulon pjesmarrjen ne antikuvend Lulzim Basha me Gazmend Bardhin”, shkruan Spaho dhe publikon mesazhin.
