Spanja merr vendimin: Ndalohen rrjetet sociale për fëmijën nën 16 vjeç

Spanja do t’u ndalojë të miturve nën 16 vjeç aksesin në mediat sociale dhe do t’u kërkojë platformave të zbatojnë sisteme verifikimi të moshës. Kështu delaroi Kryeministri Pedro Sanchez të martën në Samitin Botëror të Qeverive në Dubai. “Fëmijët tanë po ekspozohen ndaj një hapësire në të cilën nuk duhet të kishin qenë kurrë vetëm… Ne nuk do ta pranojmë më këtë”, tha Sanchez. “Ne do t’i mbrojmë ata nga Perëndimi i egër dixhital.”

Ai shtoi se qeveria e tij do të paraqesë gjithashtu një projektligj të ri javën e ardhshme që do t’i mbajë përgjegjës drejtuesit e mediave sociale për përmbajtje të paligjshme dhe të urrejtjes.

Në dhjetor, Australia u bë vendi i parë që ndaloi mediat sociale për fëmijët nën 16 vjeç. Ky veprim po ndiqet nga afër nga vende të tjera, përfshirë Britaninë dhe Francën, të cilat po shqyrtojnë masa të ngjashme bazuar në moshë.