Stuhi në Fushë-­Krujë, bllokohet trafiku, radha 3 km

Një stuhi e papritur e shoqëruar me reshje shiu ka prekur sot Fushë­-Krujën.

Për pasojë, janë rrëzuar pemë e tabela në rrugë, çka ka sjellë edhe bllokimin e trafikut.

Bëhet me dije se trafiku është bllokuar pranë Urës së Tapizës, ku radha e automjeteve shkon deri në 3 km.

Shoferët e automjeteve ankohen se kanë mbetur të bllokuar prej një ore, ndërsa askush nuk merr masa për të pastruar rrugën nga pemët e tabelat e rrëzuara.