Sula zbulon përplasjet për vota në PD: Edhe unë kam shumë fluks

Dashnor Sula i cili nuk është në listat e PD-së për zgjedhjet e 11 majit, foli për situatën politike në vend. Për të krahasuar me 4 vite më parë, kjo fushatë ka një ndryshim të madh për shkak të kodit zgjedhor. Ai thekson se kandidatë nga të dyja anët politike i janë drejtuar edhe atij për të mbledhur vota.

”Jam shumë herë më i qetë, duke e vëzhguar me lehtë si ecën fushata. Kandidatët e listave të mbyllura po ia fusin gjumit, ata në lista të hapura si nga PS dhe nga PD po gjurmojnë e po vrapojnë te vota. Ka garë brenda vetes dhe jo me kundërshtarin politik.

Ky është një problem shumë i madh. Unë kam fluks kërkesash nga kandidatët e të majtës dhe kandidatët e të djathtës duke kërkuar vota. Te PS e kanë garën më shumë mes njëri-tjetrit. Janë bërë titullarët e institucioneve në shërbim të kandidatëve të caktuar. Ky problem po ndodh dhe po dëgjojmë shpesh herë nga këto përplasje. Konflikti mes vetes sa do të vijë dhe do të agravojë”,-tha në ”A2cnn”.

Sula rikthehet me humor duke thënë se e ndalën kandidatët e 11 majit, të cilët e marrin për vota. ”Jam mall i kërkuar në treg, nuk kam çfarë të bëj. Për drejtuesit e Partisë Demokratike unë jam mall pa vlera, por ta shohim këtë më 11 maj sesi do të dalë rezultati”.