“Sulmet në Europë i prisnim por jo në Bruksel”

Ministri i Brendshëm i Belgjikës, Jan Jambon, tha për televizionin RTL se autoritetet e dinin se po përgatiteshin sulme ekstremiste në Europë por ata ishin të suprizuar nga sulme në Bruksel.

Jambon tha të martën se “ishte gjithmonë e mundur që më shumë sulme mund të ndodhnin por kurrë nuk mund të kishim imagjinuar diçka të kësaj shkalle”.

Jambon tha se “ne nuk kishim informacion për këtë por e dinim se gjërat po lëviznin në Europë, në shtete të ndryshme, në Francë, Gjermani, këtu”.