Sulmi në Manchester, mediat britanike: Mes të ndaluarve edhe një shqiptar

Policia britanike ka mobilizuar të gjitha forcat e sigurisë vendëse, nisur kjo nga sulmi që tronditi Anglinë pak ditë më parë.

Teksa po vijojnë arrestimet dhe kërkimet për të zbuluar personat që kishin lidhje me kamikazin, mediat Britanike shkruajnë sot se mes 8 të ndaluarve është edhe një person me pasaportë shqiptare.

E përditshmja britanike “inews”, nuk jep detaje të tjera por thotë se policia është duke hetuar të gjithë personat, të cilët mund të kenë pasur lidhje me terroristin 22-vjeçar Abedi.

“I News ka mësuar se mes tetë personave të ndaluar në lidhje me sulmin është një shtetas evropian lindor, i cili mban një pasaportë shqiptare, i cili u arrestua në Wigan”.