Sulmi në Vjenë, 3 viktima dhe 15 të plagosur. Ministri i Brendshëm: Autori dyshohet i ISIS

Të dhëna zyrtare kanë dalë nga sulmi i djeshëm që tronditi Vjenën. Konfirmohen nga Policia zyrtarisht se janë 3 viktima dhe 15 të plagosur në total, nga këta të fundit edhe një oficer policie.

Policia thotë se autori i cili kishte një eksploziv të rremë, dyshohet se kishte motive islamike teksa Ministri i Brendshëm, Karl Nehammer deklaroi se ai ishte i radikalizuar dhe dyshohet si simpatizant i ISIS.

Autori kishte një pushkë si dhe armë të tjera teksa në fund përfundoi i vdekur. Ndërkohë në këtë sulm i cili dyshohet se kishte dhe autorë të tjerë ndodhi pikërisht pranë një sinagoge, objekt kulti i hebrenjve por nuk dihet nëse ka lidhje me një sulm ndaj tyre apo jo.