Sulmi terrorist në Belgjik, reagon ministri Igli Hasani: Dënojmë fuqishëm të gjitha aktet e terrorit

Ministri për Europën dhe Punët e Jashtme Igli Hasani, ka reaguar përmes një postimi në platformën X, për sulmin terrorist në qendër të Belgjikës, ku mbetën të vdekur dy persona të cilët kishin të veshur fanellën e kombëtares suedeze. Ministri Hasani shpreh ngushëllimet e tij familjarëve dhe e dënon këtë akt terrorist.

“Ne qëndrojmë përkrah miqve tanë belgë dhe suedezë në këtë moment të vështirë që po kalon Brukseli. Dënojmë fuqishëm të gjitha aktet e terrorit dhe lutemi për viktimat që shkaktoi ky sulm frikacak dhe jemi me familjet e tyre në këto momente të tmerrshme”, shkruan ministri Igli Hasani.

We stand with our Belgian and Swedish friends in this terrible moment that Brussels is going through.

We strongly condemn all acts of terror.

We pray for the victims of this cowardly attack, and we are with their families in these terrible moments. @hadjalahbib…

— Igli Hasani (@IgliHasani) October 17, 2023