Super i kërkuar nga Policia, OFL i çon letrat e pasurisë

”Operacioni Forca e Ligjit” i kërkon super të kërkuarit nga Policia e Shtetit, Jani Aliaj që të deklarojë pasurinë. Ai nuk ka bërë asnjë ditë burg dhe është në kërkim policor për një nga vrasjet që tronditi kryeqytetin 4 vite më parë, ku u vra Elton Çiço në zonën e ish-Bllokut. Sipas OFL-së, ndaj Jani Aliaj, ka edhe një masë ”arresti me burg” dhënë nga Gjykata e Përmetit, për veprat penale ”prodhimi dhe shitja e narkotikëve”, ”vrasja me dashje në lidhje me një krim tjetër, mbetur në tentativë” në bashkëpunim dhe “armëmbajtja pa leje”.