Supermasa policore për superndeshjen me Spanjën

Supërmasa nga policia e Shtetit për ndeshjen me Spanjën. Plot 1280 forca policore janë angazhuar për të ruajtur rendin për ndeshjen Shqipëri-Spanjë që zhvillohet në stadiumin “Loro Boriçi” në Shkodër.

RENEA, FNSH dhe Policia  Vendore e Shkodrës  janë angazhuar për mbarëvajtien para, gjatë e pas përfundimit të aktivitetit.

Policia e Shtetit kërkon mirëkuptimin e sportdashësve që do të  marrin pjesë në këtë aktivitet në respektimin dhe zbatimin e këtyre masave si dhe pajisjen me biletë dhe dokument identifikimi, duke shmangur njëkohësisht mbajtjen me vete dhe futjen në ambientet e stadiumit të, sendeve të forta, borive, shisheve të çfarëdolloji, fishekzjarreve, monedhave apo sendeve metalike, pasi në hyrje do të kontrollohen fizikisht .