Tahiri nesër tek Gjykata e Krimeve të Rënda

Pasi Gjykata e Krimeve të Rënda, i dha masën e sigurisë ”arrest shtëpie” ish-ministrit të Brendshëm, Saimir Tahiri, pritet që nesër në orën 11:00 të jenë në seancë për verifkimin e masës së sigurisë. Mësohet se Tahiri nga shtëpia për në gjykatë do të shoqërohet nga uniformat blu.

Ndaj ish-ministrit të Brendshëm, ka akuza për “Trafik të narkotikëve” në formën e “Grupit të strukturuar kriminal” dhe “Korrupsionit Pasiv i funksionarëve të lartë shtetërorë ose i të zgjedhurve vendorë” në kuadër të hetimeve per dosjen Habilaj.

Avokati i Tahirit, Maks Haxhia ka thënë se vendimi i Gjykatës së Krimeve të Rënda për masën e sigurisë për ish-ministrin do të apelohet, pasi nuk ka asnjë provë të re kundër tij.