Takimi me Metën, Paloka: Qëndrimi i Presidentit i drejtë

Pas takimit me Presidentin Ilir Meta, anëtarët e Komisionit të Jashtëm dolën në një prononcim për mediat. Deputeti i PD-së, Edi Paloka tha se ranë dakord që qëndrimi i Presidentit ishte i drejtë. Ndërsa ajo që i ndante me mazhorancën ishte mungesa e transparencës.

”Patëm një bisedë mjaft kontrsuktive mee presidentitn. Na informoi për të gjitha hapat që janë ndërmarrë deri më sot me Ministrinë e Jashtme. Për fat të keq rezultoi ajo që opozita ka ngritur si shqetësim mungesa e transparencës nga Ministria e Jashtme, fakti që edhe me Presidenti nuk ka pasur një marrëdhënie korrekte. Pas parashtrimit të presidentit ramë dakord që qëndrimi i Presidentit është korrekt dhe i përgjigjet përgjegjësisë dhe detyrimit që ai ka”,-tha Paloka.