Takimi Rama-Merkel, në syrin e 3 Televizoneve

Takimi i kryeministrit Edi Rama me kancelaren e Gjermanisë, Angela Merkel, në median shqiptare është përcjellë në forma të ndryshme. Lajmi ishte kryesor në edicionet e lajmeve të orës 19:30, ku u fol se Gjermania do të flasë në qershor, pasi kërkohen ende kushte.

Klan: Shqipëria ka bërë progres, por ka disa parakushte

Bashkëbisedimi ishte miqësor dhe ka ngjallur besimin se Gjermania do të mbështetë Shqipërinë për hapjen e negociatave.

Top Channel: Merkel kushte për Shqipërinë

Janë vendosur kushte për Shqipërinë dhe javës tjetër do të vendoset opinioni përfundimtar i Gjermanisë nëse është bërë mjaftueshëm përparim për të mbështetur hapjen e negociatave.

Ora News: Gjermani pro, por duhet progres…

Kancelarja gjermane jep mbështetjen për Shqipërinë, por thekson se ka parakushte në marrjen e vendimit në qershor. Kërkohen rezultate në reformën ne drejtësi dhe vettingun në polici.