Takimi Zelensky-Vuçiç në Athinë, deputeti ukrainas këmbëngul: Të njohim pavarësinë e Kosovës

Darka e liderëve të Ballkanit dhe jo vetëm në Athinë, ka krijuar lajme. Deputeti ukrainas, Oleksiy Goncharenko ka theksuar se Ukraina duhet të njohë pavarësinë e Kosovës. Në një postim në platformën “X”, Goncharenko shkruan se Kievi zyrtar nuk duhet të qëndrojë krah Serbisë, pasi kjo e fundit mbështet Rusinë.

“Zelensky u takua me Presidentin e Serbisë. Serbia është aleate e Rusisë. Ne nuk do të mund ta tërheqim Serbinë në anën tonë. Dhe kjo nuk është për shkak se ne jemi shumë të këqij, por sepse popullsia e Serbisë mbështet Rusinë në një shumicë të pabesueshme. A duhet të takohemi? Po sigurisht. A duhet të kompromentojmë parimet tona? Jo. Ukraina duhet ta njohë pavarësinë e Kosovës”, shkruan Goncharenko.

Këtë të martë, presidenti i Ukrainës, Zelensky-it zhvillo një takim me homologun serb, Aleksandar Vuçiç në Athinë. Vuçiç deklaroi se Serbia e respekton integritetin territorial të Ukrainës, dhe kërkoi nga Zelensky të bëjë të njëjtën gjë.