Një ditë para se te shpallë programin elektoral, Partia Demokratike u ka prezantuar dokumentin anëtarëve te Këshillit Kombëtar.
Mbledhja u zhvillua online për shkak të pandemisë së Covid-19 dhe krahas kryedemokratit Lulzim Basha, shtyllat e programit i prezantuan edhe tre figura kryesore që morën pjesë në hartimin e tij: Jorida Tabaku, Florion Mima dhe Alfred Rushaj.
Sipas asaj që mëson Ora News nga burime brenda selisë blu, PD do të vendosë një rregull në momentin që vjen në pushtet: taksat përcaktohen në vitin e parë të qeverisjes dhe nuk ndryshojnë deri në fund të mandatit.
Partia Demokratike e ka bërë të qartë se beson tek “taksa e sheshtë”, e cila do të jetë në nivelin 9%.
Përtej kësaj, PD synon që të thjeshtojë çdo procedurë dhe të heqë çdo barrierë për të ndihmuar biznesin.
Programi i PD ka përllogaritur koston për çdo premtim elektoral dhe efektin e çdo takes duke synuar që në fund të mandatit qeverisës të jenë hapur 110 mijë vende të reja puna ndërsa rritja ekonomike të jetë 5.5%.
Objektivat kryesore të janë:
- dyfishimi i të ardhurave për frymë,
- reduktimi me 50% i treguesve të varfërisë
- fokusi i qeverisjes së PD do të jenë familja dhe të rinjtë.