“Të gjithë mësuesit në punë, nga shtëpia”

Prej mbylljes së shkollave për të parandaluar përhapjen e koronavirusit, mësuesit janë duke punuar nga shtëpia me leksione, të cilat ia përcjellin nxënësve nëpërmjet internetit.

Ministrja e Arsimit, Besa Shahini ka publikuar disa foto të mësuesve gjatë punës së tyre nga shtëpia.

Postimi i ministres Besa Shahini

Të gjithë mësuesit në punë, nga shtëpia.

Më kanë ardhur mijëra foto dhe video të punës ditore të mësuesve me nxënësit e tyre në rrjetet sociale. Ndërsa ka me mijëra e qindra mijëra mesazhe e shkëmbime të detyrave të shtëpisë, mes nxënësve (apo prindërve të tyre) dhe mësuesve çdo ditë.

E gjithë kjo punë monumentale po bëhet që nxënësit të mos mbesin prapa me mësime.

Mësues, ju falënderojmë pa masë!